• September 26, 2020

Kurti thotë se këtë javë vendoset për hapjen e kufirit me Shqipërinë

May 25, 2020

Kryeministri në detyrë i Kosovës, Albin Kurti u shpreh se këtë javë do të merret vendimi për hapjen e kufirit me Shqipërinë.

Kurti tha se ky vendim do të bazohet te Instituti Kombëtar i Shëndetësisë së Kosovës

“Edhe në këto ditë të kësaj jave duhet ta marrim këtë vendim, duke u bazuar edhe në Institutin Kombëtar të Shëndetësisë së Kosovës, që kufiri mes Shqipërisë dhe Kosovës të hapet sa më parë. Duam të marrim një vendim politik, por përbrenda të kenë rekomandimet shkencore të Institutit përkatës”, është shprehur Kurti për OraNews.

Ndryshe, Shqipëria ka paralajmëruar hapjen e kufirit më datën 1 qershor. Kufiri me Kosovën ishte mbyllur kohë më parë për shkak të pandemisë coronavirus.