• March 8, 2021

Presidenti Thaçi: Ushtria e Kosovës së shpejti do të jetë pjesë e NATO’s

Jun 21, 2020

Presidenti i Kosovës, Hashim Thaçi, ka kujtuat fazat nëpër të cilat ka kaluar vendi prej çlirimit deri në krijimin e ushtrisë.


Përmes një postimi në profilin e tij zyrtar Thaçi është shprehur se Ushtria e Kosovës së shpejti do të jetë pjesë e NATO’s.

Kreu i shtetit tutje thotë se për një gjë të tillë duhet nderuar të gjithë ata që sakrifikuan për lirinë dhe pavarësinë e Kosovës.

“Kosova e fitoi lirinë para 21 viteve. Në ditët e para të lirisë filloi edhe transformimi politik dhe shoqëror i vendit tonë. Me marrëveshje me aleatët tanë dhe NATO-n filloi demilitarizimi dhe transformimi i Ushtrisë Çlirimtare të Kosovës në Trupat Mbrojtëse të Kosovës. Pas jetësimit të aspiratave për pavarësi, në vitin 2009 e themeluam Forcën e Sigurisë së Kosovës. Në fund të vitit 2018 e themeluam edhe ushtrinë e Kosovës. Rrugëtimi i ushtrisë sonë ishte rrugëtim i lirisë dhe pavarësisë së Kosovës. Nderime dhe respekt për të gjitha gratë dhe burrat që sakrifikuan gjithçka për këtë ditë. Jemi krenarë me ushtrinë e Kosovës, e cila së shpejti do të jetë pjesë e misioneve paqësore të NATO-s kudo nëpër botë.”, ka shkruar ai. /gazetametro.net